Հայաստանի այն քաղաքական ուժերը, որոնք այսօր սահմանադրական բարեփոխումներին «ոչ» են ասում, 3 տարի առաջ «այո» էին ասում Սահմանադրության փոփոխության համանման տեքստին։ Այս մասին սեպտեմբերի 24-ին կայացած մամուլի ասուլիսի ժամանակ հայտարարել է ՀՀԿ խմբակցության քարտուղար Գագիկ Մելիքյանը։

Նրա խոսքով՝ «Ոչ»-ի ճակատի մասնակիցների համար ավելի ճիշտ կլիներ սկզբում ծանոթանալ սահմանադրական բարեփոխումների տեքստին։ «Եվ եթե բովանդակային առաջարկներ կլինեն, նրանք կգտնեն իրենց տեղը։ Բայց բացի «ոչ» ասելուց նրանք որեւէ բովանդակային առաջարկ չեն անում։ Ես համենայն դեպս այնպիսի տպավորություն չեմ ստանում, որ «Ոչ»-ի ճակատում ինչ-որ մեկը ծանոթացել է սահմանադրական բարեփոխումների նախագծին»,- նշել է  Մելիքյանը։

Պատգամավորի խոսքով՝ հոկտեմբերի 5-ին սահմանադրական բարեփոխումների նախագիծը քննարկման է դրվելու։ Իսկ հանրաքվեն, ինչպես հավելեց, Մելիքյանը, կկայանա դեկտեմբերին։