ՆԱՍԱ–ն հրապարակել է Քարոնի բարձրորակ լուսանկարները: Քարոնի՝ Պլուտոն մոլորակի արբանյակի նոր բարձրորակ լուսանկարները հասանելի են դարձել Երկիր մոլորակի բնակիչներին: Լուսանկարները, որոնք արել է «Նոր հորիզոններ» միջմոլորակային կայանը, հրապարակել է ՆԱՍԱ-ն:
Հետազոտողները ասում են, որ չէին ակնկալում տեսնել այդքան հետաքրքիր ու զարմանալի բնապատկեր: Պլուտոնի խոշորագույն արբանյակի մակերեսը ծածկված է սարերով ու կիրճերով, հայտնում է NTDTV-ն:
Քարոնի հյուսիսային բեւեռում երեւում է մուգ կարմիր տարածք՝ «Մորդոր» անվանումով: Թե ինչով է պայմանավորված այդ գույնը՝ գիտնականները դեռ չեն պարզել:
Ներքեւում՝ հասարակածի մոտ կարելի է տեսնել կիրճերի համակարգը: Դրա երկարությունն անցնում է 1600 կմ-ից: Այսինքն Քարոնի կիրճերը քառակի երկար եւ կրկնակի խորն են ԱՄՆ Մեծ կիրճից: Գիտնականների խոսքով, նման կառուցվածքի առկայությունը վկայում է լուրջ եկրաբանական գործընթացների մասին, որոնք փոխում են արբանյակի կեղեւը:
Կիրճերից հարավ կարելի է տեսնել հրաբխի խառնարաններ: Սակայն դրանք այս հատվածում ավելի քիչ են, քան հյուսիսային կիսագնդում: