Միլիարդավոր տարիներ առաջ Մարսի վրա կարող էին գոյություն ունենալ լճեր: Նման եզրակացության են հանգել գիտնականները՝ մշակելով այդ թվում Curiosity մարսագնացից ստացած տվյալները, հայտնում է ՆԱՍԱ-ն:
Սարքից արված դիտարկումները թույլ են տալիս ենթադրել, որ 3.8-3.3 մլրդ տարի առաջ ժամանակահատվածում Մարսի վրա երկար ժամանակ գոյություն են ունեցել ջրի հոսքեր ու լճեր: Այս մասին են վկայում մասնավորապես Շարփ սարերի մոտ հայտնաբերված լճերի հետքերը՝ նստվածքային ապարների շերտերի ձեւով: Ուսումնասիրությունը ցույց է տվել, որ ապարների ձեւավորումը այստեղ տեղի է ունեցել կես միլիարդ տարուց էլ քիչ ժամանակահատվածում, հայտնում է Lenta-ն:
