Ազգային ժողովի ՀՀԿ խմբակցության պատգամավոր, ֆինանսա-վարկային եւ բյուջետային հարցերով խորհրդարանարական հանձնաժողովի նախագահ Գագիկ Մինասյանը չի կիսում Հայաստանի նախկին նախագահ Ռոբերտ Քոչարյանի՝ սահմանադրական փոփոխություններին վերաբերող տագնապները: Այս մասին Մինասյանը հայտնել է նոյեմբերի 21-ին կայացած մամուլի ասուլիսի ժամանակ:
Նրա խոսքով՝ մեծամասնական համակարգից հրաժարվելը կբերի ոչ թե ինչ-որ կուսակցության իշխող դերի պահպանմանը, այլ ընդհակառակը՝ կոալիցիայի ձեւավորմանը եւ բազմակուսակցական համակարգի ստեղծմանը, ինչը բնորոշ է քաղաքակիրթ երկրներին:
Բացի այդ, նա նշել է, որ սահմանադրական փոփոխություններն ապահովում են առանց ցնցումների իշխանափոխությունը:
Հիշեցնենք, որ ավելի վաղ ՀՀ 2-րդ նախագահ Ռոբերտ Քոչարյանը կարծիք էր հայտնել, որ սահմանադրական փոփոխությունների նախագիծը դե ֆակտո միակուսակցական համակարգ հաստատելու, նշանակում է՝ քաղաքական մենիշխանության եւ լճացման էական ռիսկեր է պարունակում:
