Աստղագետները Խոյ համաստեղությունում «անհնարին» մոլորակ են գտել՝ BD+20594b-ն, որի խտությունը կազմում է 7.89 գրամ՝ խորանարդ սանտիմետրի դիմաց. սա վկայում է այն մասին, որ այն Երկիր մոլորակի հսկայական նմանակն է, այլ ոչ թե Նեպտունի: Այս մասին ասված է Քորնելի համալսարանի էլեկտրոնային գրադարանում հրապարակված հոդվածում:
Ըստ ՌԻԱ Նովոստիի, վերջին տարիներին գիտնականներն Արեգակնային համակարգից դուրս տասնյակ եւ հարյուրավոր խոշոր էկզոմոլորակներ են հայտնաբերել, որոնց տրամագիծը մի քանի անգամ գերազանցում է Երկրի չափերին:
Բազմաթիվ վիճաբանություններ կան այն հարցի շուրջ, որ դրանք, այսպես կոչված, «գեր-Երկրներ» են կամ Նեպտունի ու գազային այլ հսկաների փոքր նմանակները:
Մի շարք տվյալների արդյունքում գիտնականները BD+20594 արեգակնանման աստղի մոտ արտասովոր խոշոր մոլորակի գոյության հետքեր են գտել, որը Երկրից ընդամենը 500 լուսային տարվա հեռավորությամբ է գտնվում: Այդ օբյեկտը, հետազոտողների հաշվարկների համաձայն, Երկրից մեծ է շուրջ երկու անգամ, իսկ զանգվածը՝ շուրջ 16 անգամ: