ԱՄՆ Քալիֆորնիայի նահանգի տիեզերակայանից մեկնարկել է Delta IV ծանր հրթիռ-կրիչն իր արբանյակով, որն օգտագործվելու է ԱՄՆ հետախուզության ազգային վարչության շահերի համար։ Այս մասին հայտնել է United Launch Alliance ընկերությունը։

Գործարկումը տեղի է ունեցել Վանդենբերգ ռազմաօդային բազայից՝ Լոս Անջելեսից հյուսիս-արեւմուտք, փոխանցում է ՏԱՍՍ-ը։

Delta IV-ը ունի 3 շարժիչ եւ կարող է ուղեծիր հանել 23 տոննա բեռ։ Այս դասի կրիչները ԱՄՆ ԶՈՒ ենթակայության տակ գտնվող ամենածանր եւ խոշոր հրթիռներն են։