Սիրիայի հակամարտությանը Ռուսաստանի միջամտությունը էապես պակասեցրել է այդ երկրում ԱՄՆ ազդեցության հնարավորությունները, գրում է The New York Times-ը։ ԱՄՆ-ը ամիսներ շարունակ պնդում էր, որ Սիրիայի հակամարտության ռազմական միջամտությունը կենսունակ չէ, եւ Բաշար Ասադի ու ընդդիմության միջեւ միայն քաղաքական համաձայնություն է հնարավոր։ Սակայն Ռուսաստանի օդուժի ինտենսիվ հարվածներից եւ Հալեպը Բաշար Ասադի ձեռքը վերադարձնելուց հետո ԱՄՆ-ը պատրաստ է ընդունել, որ սխալվել է, եւ հակամարտության ռազմական միջամտությունը հնարավոր է, բայց միայն Ռուսաստանի կողմից, գրում է Դեւիդ Սենջերը, փոխանցում է Gazeta-ն։
Հեղինակը նշում է, որ ԱՄՆ պետքարտուղար Ջոն Քերրին ստիպված է հաշվի առնել դա Սիրիայում հրադադարի մասին Մյունխենի խորհրդակցությունների ժամանակ։ Ռուս զինվորականներն իրոք փոխել են հակամարտության ուրվագծերը, որը տարիներ շարունակ փակուղու մեջ էր։ Հիմա Ասադն ու նրա կողմնակիցներն ավելի շատ տարածքներ եւ ազդեցության գոտիներ ունեն, քան 2011թ. հակամարտության սկսվելուց հետո։
«Առանց քաղաքական լուծման կամ ռազմական ակտիվության՝ ԱՄՆ-ը ոչ միայն շատ քիչ ազդեցություն կունենա Սիրիայի հակամարտության վրա ազդելու համար, այլ նաեւ կզրկվի ռազմավարության կենսունակությունից, որը կարող էր միավորել հակամարտող կողմերին ԻՊ-ի դեմ»,- նշում է հոդվածագիրը։