Ռուսաստանը Սիրիայում իր ազգային շահերն է պաշտպանում: Այս մասին Մյունխենի անվտանգության կոնֆերանսի ժամանակ ասել է ՌԴ վարչապետ Դմիտրի Մեդվեդեւը, գրում է RNS-ը:
«Ռուսաստանն այնտեղ չի զբաղվում իր հայտարարած խնդիրներից բացի, ինչ-որ այլ հատուկ հարցեր լուծելով: Մենք այնտեղ պաշտպանում ենք մեր ազգային շահերը, քանի որ այնտեղ կռվող գրոհայինների մեծ մասը ժամանել է Ռուսաստանից եւ մեր երկրին սահմանակից պետություններից»,- ասել է Մեդվեդեւը՝ նշելով, որ գրոհայինները հետո վերադառնում են Ռուսաստան ահաբեկչական ակտեր կազմակերպելու համար:
Մեդվեդեւի խոսքով՝ Ռուսաստանը Սիրիայում օգնում է քաղաքացիական բնակչությանը: