Ազգային ժողովում, այսօր՝ ապրիլի 28-ին, ժամը 16.00-ից հետո տեղի է ունենալու Ընտրական օրենսգրքի նախագծի առաջին ընթերցման քվեարկությունը: Այս մասին Ազգային ժողովի նիստում հայտարարել է ԱԺ նախագահ Գալուստ Սահակյանը:
«Խնդրում եմ բոլոր պատգամավորներին, խմբակցությունների ղեկավարներին ապահովել պատգամավորներին քվեարկության»,-ասաց Գալուստ Սահակյանը:
Նշենք, որ նոր Սահմանադրության համաձայն ԸՕ-ն պետք է 79 ձայն ստանա ընդունվելու համար: Սա նշանակում է, որ իշխող կուսակցությունը պետք է մոբիլիզացնի իր բոլոր պատգամավորներին, որպեսզի նրանք ներկա լինեն քվեարկությանը:
Ընտրական օրենսգրքի 2-րդ եւ 3-րդ ընթերցմամբ քվեարկությունը կկազմակերպվի հաջորդ քառօրյայում (մայիսի 16-19), որպեսզի պահպանվի Սահմանադրության դրույթը, ըստ որի Ընտրական օրենսգիրքը պետք է ընդունվի մինչեւ հունիսի 1-ը:
