Ընտրական օրենսգրքի քվեարկությունը ապրիլի 28-ին խորհրդարանում կոպիտ խախտումներով է կայացել։ Այս մասին ապրիլի 29-ին՝ խորհրդարանական ճեպազրույցների ժամանակ, ասել է «Ժառանգություն» խմբակցության պատգամավոր Զարուհի Փոստանջյանը։ Նրա համոզմամբ՝ խորհրդարանի խոսնակ Գալուստ Սահակյանը խախտել է կանոնակարգը եւ պատգամավորներին թույլ չի տվել իր կարծիքն արտահայտել։ Այն դեպքում, երբ անհրաժեշտ էր բոլոր կողմերին հնարավորություն տալ կարծիք հայտնել եւ հաշվի առնել նրանց կարծիքը քվեարկությունից առաջ։
Հիշեցնենք, որ ապրիլի 28-ին Ազգային ժողովում ընդունվեց Ընտրական օրենսգրքի նախագիծն առաջին ընթերցմամբ: Նախագծին կողմ քվեարկեց 98, դեմ՝ 9 եւ ձեռնպահ 5 պատգամավոր:
