SpaceX-ի Falcon 9 հրթիռն արբանյակ է դուրս բերել ուղեծիր ու Երկիր վերադարձել՝ վայրէջք կատարելով լողացող հարթակի վրա: 23 հարկանի շենքի բարձրությամբ հրթիռն արձակվել է Կանավերալ հրվանդանի ռազմաբազայի մոտակայքում գտնվող հարթակից:
Ուղեծիր հասցված JCSAT-14 արբանյակը պատկանում է Տոկիոյի SKY Perfect JSAT հեռահաղորդակցական ընկերությանը: Այն SpaceX-ի նոր հաճախորդն է:
NDTV-ի հաղորդմամբ, լողացող հարթակի վրա հաջող վայրէջքը երկրորդն է Իլոն Մասկի տեխնոլոգիական ընկերության համար: Twitter-ի իր էջում նա գրել է. «Ուռա՛: Հիմա հարկավոր է ավելացնել հրթիռի բեռնախցի հատվածը»: