Թուրքիայի ընդդիմադիր «Ժողովրդա-հանրապետական» (CHP) կուսակցության առաջնորդ Քեմալ Քըլըչդարօղլուի վրա զինվորականի թաղման արարողության ժամանակ ձվեր են նետել։

Թուրքական Sozcu-ի փոխանցմամբ՝ CHP-ի առաջնորդ Քեմալ Քըլըչդարօղլուն մասնակցել է քուրդ զինյալների հետ բախման ժամանակ սպանված թուրք զինվորականի թաղման արարողությանը, որի ընթացքում հավաքվածների մեջից մի տղամարդ սկսել է ձվերով հարվածել։

Թեեւ թիկնապահները կարողացել են հեռացնել ձվերը, սակայն դրանցից դիպչել են թե Քըլըչդարօղլուին, թե հարեւանությամբ կանգնած Պաշտպանության նախարար Իսմեթ Յըլմազին։

Այս միջադեպից հետո Քեմալ Քըլըչդարօղլուն իր դեմ ձվերով հարձակման մեջ մեղադրել է Անկարայի քաղաքապետ, իշխող կուսակցության պատգամավոր Մելիհ Գյուքչեքին։  Նա շեշտել է, թե Անկարայի քաղաքապետը իր «գրոհայիններին» բերել էր թաղման։