Հայաստանի իշխանությունները պատրաստ են հունիսի 1-ից հետո էլ մշակել Ընտրական օրենսգիրքը: Այս մասին մայիսի 25-ին Հայաստանի ԱԺ-ում ասել է Կառավարության աշխատակազմի ղեկավար, նախարար Դավիթ Հարությունյանը, ելույթ ունենալով նոր ԸՕ նախագծի քննարկումների ժամանակ, որն ավելի ուշ ընդունվեց երրորդ ու վերջնական ընթերցումով:
Նրա խոսքով, նույնիսկ հունիսի 1-ից հետո ( ԸՕ ընդունելու վերջնաժամկետը) կհաջողվի գտնել փոխընդունելի մեխանիզմներ, որոնք ավելի կուժեղացնեն փաստաթուղթը ու իրագործելի կլինեն, իշխանությունները պատրաստ են այդ առաջարկները ներկայացնելու համար արտահերթ նիստ կամ նստաշրջան առաջարկել՝ պայմանավորված նրանով, թե երբ դա տեղի կունենա: Բացի դրանից այդ քննարկումները հնարավորություն կտան դիտարկել այն առաջարկները, որոնք նշված ժամկետից ուշ են ստացվել ու դրա հետեւանքով չեն քննարկվել:
«Որքան լայն լինի փոխհամաձայնությունը՝ այդքան լավ,այդքան շատ վստահություն կլինի Ընտրական օրենսգրքի նկատմամբ»,- ասել է Հարությունյանը:
Ընտրական օրենսգրքի նախագիծը ընդունվել է մայիսի 25-ին 3-րդ ու վերջնական ընթերցումով: «Կողմ» են քվեարկել 102 պատգամավոր, «դեմ»՝ 17, իսկ ձեռնպահ են մնացել ՝ 3-ը:
