ՆԱՍԱ-ն տեսանյութ է ցուցադրել արեւի վրա հսկայական պսակաձեւ անցքի մասին: Անիմացիայի համար լուսանկարներն արվել են 2016-ի մայիսի 17-19-ին` SDO (Solar Dynamics Observatory) տիեզերակայանից` արեւի վերին կիսագնդում: Այդ մասին հայտնում է ՆԱՍԱ-ն:
Պսակաձեւ անցքերը արեւի մթնոլորտում ցածր խտության ոլորտներ են (այսինքն աստղային անհամամետ ավելի քիչ նյութ են պարունակում, քան դրանք շրջապատող տարածությունը): Անցքերի ջերմաստիճանն ավելի ցածր է, քան դրանք շրջապատող ոլորտներինը:
Դա հանգեցնում է նրան, որ լուսանկարներում դրանք ավելի մուգ գույն ունեն, քան շրջակա տարածքները: Պսակաձեւ անցքերը երեւում են ուլտրամանուշակագույն լույսի մեջ (որն անտեսանելի է մարդու համար): ՆԱՍԱ-ի ներկայացրած տեսանյութում դրանք ցուցադրված են մանուշակագույնով:
Պսակաձեւ անցքերը կարեւոր են Երկրի շուրջ տիեզերական եղանակի ընկալման համար: Դա կապված է այն բանի հետ, որ դրանք բարձր էներգետիկական մասնիկների աղբյուր են: Դրանց արագությունը երեք անգամ գերազանցում է արեգակնային քամու մնացած գոյացությունների արագությունը:
Պսակաձեւ անցքերի եւ համանուն արտանետումների ի հայտ գալու բնույթն առայժմ պարզ չէ: Համարվում է , որ դրանք հայտնվում են արեւի այն հատվածներում, որտեղ տեղի է ունենում ուժային մագնիսական գծերի վերադասավորություն, հայտնում է Lenta-ն: