Աստղագետները NASA-ի աստղադիտակի օգնությամբ Յուպիտերի վրա բեւեռափայլ են լուսանկարել: Այս մասին հաղորդել է Hubble առաքելության կայքը:
Ըստ Gazeta-ի, նախկինում նույնպես Յուպիտերի վրա բեւեռափայլ նկատել են, բայց այս անգամ գիտնականները հավաստում են, որ սա ամենավառն է դիտարկումների պատմության ընթացքում: Փայլատակումը տեղի է ունենում, երբ արեւային քամուց լիցքավորված մասնիկները հայտնվում են մոլորակի մթնոլորտում:
Դիտարկումն արվել է այն պահին, երբ Յուպիտերին է մոտեցել NASA Juno տիեզերական զոնդը: «Երեւում է՝ Յուպիտերը հրավառություն է կազմակերպել Juno-ի ժամանման առիթով»,- կատակել է Լեսթերի համալսարանի գիտնական Ջոնաթան Նիքոլսը: