Ռուսասատանի հետ համատեղ ժամանակակից ՀՕՊ համակարգի ստեղծումը չի անդրադառնա Հայաստանի նկատմամբ ՆԱՏՕ-ի վերաբերմունքի վրա: Այս մասին հուլիսի 27-ին հայտարարել է Հարավային Կովկասում ՆԱՏՕ-ի գրասենյակի ղեկավար Ուիլյամ Լահյուն՝ «ՆԱՏՕ-ի Վարշավյան գագաթնաժողովը. Հայաստանի համար հետեւանքները» թեմայով քննարկման ժամանակ:
Նրա խոսքով՝ Հայաստանը չի թիրախավորվի, քանի որ ՆԱՏՕ-ն մի կազմակեպություն է, որը կառուցված է հավաքական անվտանգության գաղափարի վրա: «Այդ պայմանագիրը ոչ մի կերպ չի ազդի ՆԱՏՕ-ի հետ գործընկերության վրա»,- հավաստիացրել է Լահյուն՝ շարունակելով, որ ՆԱՏՕ-ն Հարավային Կովկասում իր ներկայությունն ամրապնդում է՝ նախապատվություն տալով Վրաստանի հետ համագործակցությանը: ՆԱՏՕ-ի հետ Վրաստանի սերտ համագործակցությունից, ըստ Լահյուի, կարող է օգտվել նաեւ Հայաստանը:
Հիշեցնենք, որ Ռուսասատանի հետ համատեղ ՀՕՊ համակարգի ստեղծման համաձայնագիրը վերջերս վավերացվեց խորհրդարանում:
