Իսրայելի ԱԳ նախարարությունը «անհիմն մեղադրանքեր» է անվանել Գազայի հատվածում վերջին ռմբակոծությունների վերաբերյալ Թուրքիայի քննադությունները եւ Անկարայի գործընկերներին խորհուրդ է տվել «նման հայտարարություններով հանդես գալուց առաջ երկու անգամ մտածել», փոխանցում է «ՌԻԱ Նովոստի»-ն:
Արտաքին քաղաքական գերատեսչությունների միջեւ փոխադարձ խայթոցները տեղի են ունենում երկու երկրներին հարաբերությունների կարգավորման պայմանավորվածությունների իրականացման ֆոնին: «Թուրքիայի հետ մեր հարաբերությունների կարգավորումը չի նշանակում, որ կլռենք նրա կողմից անհիմն մեղադրանքների հանդեպ»,- նշված է Իսրայելի ԱԳՆ հայտարարության մեջ:
Թուրքիան նախկինում իսրայելցիներին մեղադրել է Գազայի հատվածում «անհամաչափ» ուժի կիրառման համար: Մեկ օր առաջ Իսրայելի ռազմաօդային ուժերը ի պատասխան պաղեստինյան հրթիռի գորահայինների դիրքերին մի շարք հարվածներ էին հասցրել: «Իսրայելը կշարունակի իր քաղաքացիներին պաշտպանել մեր տարածքի ցանկացած հրտիռակոծությունից՝ առաջնորդվելով միջազգային իրավունքի նորմերով, մեր պարտավորություններով եւ խղճով»,- հայտարարել է Իսրայելի ԱԳՆ-ն:
«Ուրիշ երկրների ռազմական գործողությունները քննադատելուց առաջ Թուրքիան պետք է երկու անգամ մտածի»,- խորհուրդ են տվել իսրայելցի դիվանագետները:
Թուրքիայի արտգործնախարարությունն իր հայտարարության մեջ նշել է, որ Իսրայելի հետ հարաբերությունների կարգավորումը չի խոչընդոտի Պաղեստինի ժողովրդի պաշտպանությանը: «Հակառակը՝ կշարունակենք հետեւել Պաղեստինում իրավիճակին եւ միջազգային իրավունքի խախտումներին, առաջին հերթին՝ Իսրայելի քայլերի »,- նշված է Թուրքիայի ԱԳՆ հայտարարության մեջ: