Թուրքիայի իշխանությունները ավելի քան մեկ տարի ծրագրում էին զորքեր ուղարկել Սիրիա, բայց դրան դեմ էին արտահայտվում բանակի այն սպաները, որոնք այս տարվա հուլիսին մասնակցել են երկրում ռազմական հեղաշրջման փորձին, գրում է The Washington Post–ը՝ վկայակոչելով ոմն թուրք բարձրաստիճան չինովնիկի :
Նրա խոսքով Ջարաբլուսի վրա հարձակումը սկսել էին ծրագրել դեռ 2015-ի հունիսին: Սակայն թուրքական բանակի մի շարք հրամանատարներ ամեն կերպ փորձում էին խոչընդոտել այդ ծրագրին՝ նորանոր պատճառաբանություններով՝ օրինակ հայտարարելով, որ բանակը առաջ շարժվելու համար բավարար հնարավորություններ չունի:
Նրանց կոչերը ուժեղացել էին նոյեմբերին ռուսական օդանավի հետ կատարված միջադեպից հետո, երբ Թուրքիան ստիպված էր կանգնեցնել Սիրիայի վրա թռիչքները
Սիրիայում Թուրքիայի գործողության մի քանի առավել ակտիվ հակառակորդներ հետագայում մասնակցել են հուլիսի 16-ի գիշերը կատարված հեղաշրջման փորձին, վստահեցնում է աղբյուրը:
Չինովնիկը նաեւ շեշտել է, որ հարձակումը անհնար կլիներ առանց Ռուսաստանի հետ հաշտեցման, ինչի շնորհիվ թուրքական օդանավերը կարողացան թռչել Սիրիայի վրայով:
Պարբերականի խոսքով այս վարկածը բավականին ճշմարտանման է թվում ու բացատրում է, թե ինչու էր Թուրքիայի նախագահ Ռեջեփ Թայիփ Էրդողանը այդքան դժկամությամբ կատարում Սիրիայում ԻՊ դեմ պայքարում ավելի ակտիվ դիրքորոշում զբաղեցնելու վերաբերյալ Վաշինգթոնի պահանջը՝ հայտնում է Gazeta–ն: