Աստղագետները հայատնել են, որ հայտնաբերել են մի գալակտիկա, որը 99.99 տոկոսով մութ մատերիայից է կազմված: Դա հաջողվել է անել աշխարհի խոշորագույն հեռադիտակների օգնությամբ, հայտնում է այն հոդվածը, որը հրապարակել է Astrophysical Journal Letters ամսագիրը, հայտնում է Gazeta–ն:
Գալակտիկան այնքան խամրած է եղել, որ այն տասնամյակներ շարունակ չի հաջողվել հայտնաբերել: «Հայտնագործությունից հետո մենք արագ հասկացանք, թե ինչ է ներկայացնում գալակտիկան առաջին հայացքից: Այնտեղ այնքան քիչ աստղեր կան, որ դրանք արագ տարբեր կողմեր կթռչեին, եթե ինչ-որ բան դրանք միասին չպահեր»- պարզաբանել է աշխատության հեղինակ Փիթեր Վան Դոկկումը: Հաշվելով առանձին աստղերի արագությունները ՝ գիտնականները ապացուցել են, որ գալակտիկայի զանգվածը մոտավորապես հավասար է Ծիր Կաթինի զանգվածին:
Սակայն ի տարբերություն մեր գալակտիկայի՝ դրա աստղերի, գազին ու փոշուն բաժին է ընկնում զանգվածի միայն 0.01 տոկոսը: Մնացածը առեղծվածային մութ նյութ է, որը աչքիի համար տեսանելի չէ, բայց իրեն դրսեւորում է գրավիտացիոն փոխգործակցությամբ: