Ուֆոլոգները Մարսի վրա հնագույն քաղաքակրթության գոյության հերթական վկայություն են համարում արհեստական շինությունների առկայությունը: Սենսացիաների սիրահարների կարծիքով՝ մարսյան խառնարանները ոչ թե լանդշաֆտի մաս են, այլ բանական արարածների ձեռքի աշխատանք: Մասնավորապես, նշվում է, որ որոշակի նմանություն կա Մարսի խառնարանի եւ Ճապոնիայի Կոֆուն գերեզմանաթմբերի միջեւ: Այս մասին հայտնում է Discovery24-ը:
Բազմակողմանիորեն ուսումնասիրելով Մարսի մակերեւույթի լուսանկարը՝ ուֆոլոգները նշել են «կառույցի» երկրաչափական ապշեցուցիչ ուղիղ ձեւերը, որը, նրանց կարծիքով, ապացուցում է դրանց արհեստական ծագումը:
Ենթադրվում է, որ բնական աղետի կամ այլ պատճառների հետեւանքով Մարսի վրա կյանքն անհնար է դարձել, եւ նրա բնակիչները գաղթել են Երկրագունդ:
NASA-ում եւս այս փաստը լռության չեն մատնել եւ մեկնաբանել են առաջ քաշված ենթադրությունը: NASA-ի կարծիքով՝ լուսանկարում ընդամենը սովորական բլուր է պատկերված, այսինքն՝ լանդշաֆտի բնական տարր:
