Երկրից հետո Մերկուրին Արեգակնային համակարգի երկրորդ մոլորակն է, որի վրա տեկտոնական ակտիվություն է նկատվում: Այս մասին MESSENGER (MErcury Surface, Space ENvironment, GEochemistry, and Ranging առաքելության երկրաֆիիզիկոսների հետազոտությունը հրապարակվել է Nature Geoscience ամսագրում, հայտնում է Lenta-ն:
Երկրաֆիզիկոսները Մերկուրիի ռելիեֆի վրա բազմաթիվ ծալվածքներ, աղեղներ եւ բեկվածքներ են հայտնաբերել, որոնց առկայությունը թույլ է տալիս միանշանակ հայտարարել մոլորակի վրա վերջին շրջանում տեղի ունեցած տեկտոնական ակտիվության մասին: Դրա պատճառը նույնն է, ինչ Երկրի դեպքում՝ երկրնային մարմնի աստիճանական սառեցում, որի հետեւանքով արտաքին կեղեւը սեղմվում է եւ ճաքեր տալիս:
Մերկուրիի ակտիվ տեկտոնիկան պայմանավորված է մոլորակի վրա հայտնաբերված մագնիսական դաշտով, որը մինչ օրս պահպանվում է, ամենայն հավանականությամբ, մոլորակի չափերի համեմատությամբ ներքին սառչող ընդերքի վիթխարի չափերի պատճառով:
Մերկուրին մոտ 20 անգամ Երկրից ավելի թեթեւ է եւ փոքր: Մոլորակի ներքին խտությունը գրեթե նույնքան է, որքան Երկրինը: Մոլորակի վրա տարին 88 օր է տեւում: Արեգակնային համակարգի այլ մոլորակներից Մերկուրին տարբերվում է մետաղական խոշոր միջուկով:
