Պետք չէ հուսալ, թե Հայաստանի իշխանությունները հրեշտակների կվերածվեն։ Այս մասին հոկտեմբերի 17-ին լրագրողներին ասել է ՀԱԿ խմբակցության ղեկավար Լեւոն Զուրաբյանը՝ մեկնաբանելով Ընտրական օրենսգրքում փոփոխությունների նախագիծը։
«Եթե կան այդքան միամիտ մարդիկ, ապա ստիպված ենք նրանց հիասթափեցնել։ Ընտրական օրենսգրքում փոփոխությունների նախագիծը չի ծնվել ինքն իրենով, այլ քաղաքացիական սեկտորի եւ միջազգային հանրության մասնակցությամբ ամիսներ շարունակ աշխատանքի արդյունք է։ Մենք պետք է հասկանանք, որ ազատ եւ արդար ընտրություններ Հայաստանում կարող ենք անցկացնել միայն իշխանությունների կամքին հակառակ»,– նշել է Զուրաբյանը։