Եկեք չխախտենք Հայաստանի Ընտրական օրենսգրքի վերաբերյալ համաձայնությունը: Հոկտեմբերի 13-ին խորհրդարանում Ընտրական օրենսգրքում փոփոխությունների առաջին ընթերցմամբ քվեարկությունից առաջ այս մասին հայտարարել է ՀՀԿ խմբակցության ղեկավար Վահրամ Բաղդասարյանը:
Օրինագծով քրեական պատիժ է նախատեսվում ուրիշի փոխարեն քվեարկության համար (2-5 տարի ժամկետով ազատազրկում), բայց նույնպիսի պատիժ է առաջարկվում նման խախտման մասին կեղծ մեղադրանքի համար, եթե անգամ մեղադրողը սխալվել է առանց դիտավորության: Սա ընդդիմադիր ուժերի դժգոհությունն է առաջացրել:
«Ոչ մի չար դիտավորություն չկա: Տարբեր մոտեցումներ կան: Այսօր առավոտյան մենք՝ քաղաքական 5 ուժերը, հավաքվեցինք եւ վերանայեցինք մոտեցումները: Պարզապես մեկ հարցի շուրջ տարբեր մասնագիտական մոտեցումներ կան: Քաղաքական բոլոր ուժերին կոչ եմ անում հետեւել համաձայնությանը եւ «կողմ» քվեարկել, իսկ մինչեւ երկրորդ ընթերցում կշարունակենք քննարկումները, որոնց ընթացքում կփորձենք մերձեցնել մեր մոտեցումները»,- ասել է Բաղդասարյանը:
