Ուրիշի փոխարեն քվեարկելու մասին չկանխամտածված կեղծ հայտարարությունների համար ավելի մեղմ պատիժ է սահմանվել: Այս մասին հոկտեմբերի 19-ին՝ խորհրդարանում հայտարարեց կառավարության աշխատակազմի ղեկավար-նախարար Դավիթ Հարությունյանը՝ երկրորդ վերջնական ընթերցմամբ ներկայացնելով Ընտրական օրենսգրքում փոփոխություների նախագիծը:
Առաջարկվում է այլ քաղաքացու փոխարեն քվերակությունը, ինչպես առաջին ընթերցման տեքստում, պատժել 2-5 տարի ժամկետով ազատազրկմամբ: Առաջարկվում էր նույնքան խիստ պատժել նաեւ խախտումների վերաբերյալ կեղծ հատարարությունների համար: Ընդիմությունն այս դրույթի դեմ առարկել է՝ ասելով, որ ընտրությունների ընթացքում կեղծարարությանը հետեւող ակտիվիստներին բանտում հայտնվելու վըանգ է սպառնում պատահական սխալի համար:
Ինչպես նշեց նախարարը, այդ պատճառով փոխզիջում է առաջարկվել: Եթե պարզվի հայտարարությունը կեղծ է, բայց հայտարարողը անզգուշության հետեւանքով է սխալվել, ապա նա կպատժվի 200-ից մինչեւ 800 հազար դրամ (միչեւ 1700 դոլար) տուգանքով, կամ նույնպես քրեական պատասխանատվությամբ, բայց մինչեւ 2 տարի ժամկետով: «Դիտավորյալ կեղծ հայտարարությունների համար պատիժը, բնականաբար, նախկինն է մնում»,- ամփոփել է Հարությունյանը:
