Մենք Ընտրական օրենսգրքի հարցում մշտապես համաձայնության ենք գալիս «4+4+4» ձեւաչափով. ամբողջ ժամանակ «ամուսնությունը» շարունակվում է: Այս մասին NEWS.am-ի հետ զրույցում հայտարարեց ԱԺ պետաիրավական հարցերով մշտական հանձնաժողովի հանրապետական նախագահ Հովհաննես Սահակյանը:
Նրա խոսքով՝ համաձայնություններն արդյունավետ են: «9 ամիս հետո երեխան կծնվի»,- կատակեց Հովհաննես Սահակյանը: Ի պատասխան հարցին՝ դարձյալ «ապահարզան» չի՞ լինի եւ արդյոք կոնսենսուսով ձեռք բերվածը կիրականանա՞, պատգամավորը, շարունակելով կատակել, ասաց. «Կարծում եմ՝ ոչ: Մենք արդեն ԶԱԳՍ ենք գնացել»:
Հիշեցնենք, որ Ազգային ժողովը հոկտեմբերի 19-ին առաջին ընթերցմամբ ընդունեց Ընտրական օրենսգրքում փոփոխությունների օրինագիծը: Երկրորդ ընթերցմամբ քվեարկությունը տեղի կունենա հոկտեմբերի 20-ի առավոտյան:
