Արեւելյան Եվրոպայի երկրներում ՆԱՏՕ-ի թվաքանակի ավելացումը ու այնտեղ չորս գումարտակների տեղակայումը Ռուսաստանին հասցեագրված «հստակ ազդանշան է»։ Այս մասին Բրյուսելում ՆԱՏՕ-ի երկրների պաշտպանության նախարարների երկօրյա հանդիպման ընթացքում հայտնել է Գերմանիայի ՊՆ ղեկավար Ուրսուլա ֆոն դեր Լյայենը, փոխանցում է DW–ը։
Բալթյան երկրներ ու Լեհաստան ՆԱՏՕ-ի զինծառայողներին ուղարկելու որոշումը կայացվել է պաշտպանական նպատակներով, վստահեցրել է ֆոն դեր Լյայենը՝ միաժամանակ հիշեցնելով, որ ՆԱՏՕ-ի պետություններից որեւէ մեկի վրա հարձակումը դիտարկվելու է որպես հարձակում կազմակերպության բոլոր 28 երկրների վրա։ ՆԱՏՕ-ի չորս գումարտակների տեղակայումը Բալթյան երկրներում ու Լեհաստանում ծրագրված է 2017-ի փետրվարին, իսկ դրանք ամբողջական ձեւավորումը կկատարվի հետագա մի քանի ամիսների ընթացքում։