Vesti.Az-ը հրապարակել է ԼՂՀ զինված ուժերի հետ շփման գծում Ադրբեջանի կառուցած քարե պաշտպանական պատի լուսանկարները:
Ադրբեջանական լրատվամիջոցները գրում են, թե շփման գծի մոտ գտնվող ադրբեջանական գյուղերի բնակիչները հրադադարի ռեժիմի խախտումների հետեւանքով հայտնվում են կրակի տակ»:
ANS PRESS-ի տվյալներով, երեք մետր բարձրությամբ պատը կառուցվում է պետության հաշվին` «ադրբեջանական գյուղերի բնակիչներին հայկական գնդակներից պաշտպանելու համար»:
Շինարարական աշխատանքները սկսվել են 7 ամիս առաջ: 2700 մետր երկարությամբ պատը կանցնի Աղդամի շրջանի Քարվանդ գյուղից Թարթառի շրջանի գյուղերի տարածքով: