Բժիշկները Տյումեն-Ադլեր գնացքից դուրս բերված և ինֆեկցիոն հիվանդանոց տեղափոխված 86 երեխաներից 16-ի մոտ Ա տիպի գրիպ են հայտնաբերել:
Մնացած 70-ը սուր շնչառական վարակ ունեն։ Այս մասին ТАСС-ին հայտնել են ՌԴ առողջապահության նախարարության մամուլի ծառայությունից։
«Ըստ օպերատիվ տվյալների՝ ինֆեկցիոն հիվանդանոցում շարունակում է բուժումը ստանալ 86 երեխա, այդ թվում՝ 16 երեխա՝ Ա գրիպի ախտորոշմամբ, և 70 երեխա՝ սուր շնչառական վարակով»,- ասվում է զեկույցում։
Գերատեսչությունից հայտնեցին նաև, որ 7 երեխայի վիճակը միջին ծանրության է, 79-ը՝ թեթև։ Եվս 38 երեխա և 11 մեծահասակ առողջ են և գտնվում են ժամանակավոր բաժանմունքում։ Երեխաներին տրամադրվում է անհրաժեշտ բժշկական օգնություն, կազմակերպվում են հեռաբժշկական խորհրդատվություններ ՌԴ ԱՆ Ռուսաստանի մանկական կլինիկական հիվանդանոցի մասնագետների հետ։