Չորեքշաբթի հազարավոր բժիշկներ ազատվել են աշխատանքից Մեծ Բրիտանիայում՝ սկիզբ դնելով աշխատավարձի պատճառով վեցօրյա գործադուլին, որն ակնկալվում է, որ ամենատևականը կլինի պետականորեն ֆինանսավորվող Առողջապահության ազգային ծառայության պատմության մեջ, հաղորդում է AP-ն:
Մենեջերները հայտարարել են, որ տասնյակ հազարավոր նախատեսված ընդունելություններ և վիրահատություններ կչեղարկվեն գործադուլի ընթացքում ամբողջ Անգլիայում և Ուելսում կրտսեր բժիշկների կողմից, որոնք իրենց կարիերայի առաջին տարիներն են անցկացնում: Բժիշկները, որոնք կազմում են հիվանդանոցային և կլինիկական ծառայությունների ողնաշարը, նախատեսում են աշխատանքի դուրս չգալ մինչև երեքշաբթի առավոտյան ժամը 7-ը:
Ավագ բժիշկներին և այլ բուժաշխատողների հարկ է եղել ներգրավել շտապ օգնության, վերակենդանացման և մանկաբարձական ծառայություններում աշխատելու համար:
Բրիտանիան մեկ տարի շարունակ անընդմեջ գործադուլների ականատես է եղել առողջապահության ոլորտում, քանի որ աշխատակիցները պահանջում էին արձրացնել աշխատավարձը՝ փոխհատուցելու կյանքի թանկացող ծախսերը: Արհմիությունները ասում են, որ աշխատավարձերը, հատկապես պետական հատվածում, իրական ցուցանիշներով նվազել են վերջին տասնամյակի ընթացքում, և 2022-ի վերջին և 2023-ի սկզբին երկնիշ արժեզրկումը, որը պայմանավորված էր սննդի և էներգիայի գների աճով, հանգեցրել է նրան, որ շատ աշխատողների համար դժվարացել է իրենց հաշիվների վճարումը:
Արհմիությունը պնդում է, որ վերջերս որակավորում ստացած բժիշկները ժամում վաստակում են 15,53 ֆունտ (19,37 դոլար)՝ Միացյալ Թագավորության նվազագույն աշխատավարձը ժամում 10 ֆունտից մի փոքր ավելի է, չնայած առաջին տարուց հետո աշխատավարձերն արագ աճում են:
