Թռչնագրիպի վիրուսի տարածման պատճառով Ճապոնիայի Կագավա պրեֆեկտուրայում մոտ 110 հազար հավ է ոչնչացվելու, հայտնել է երկրի գյուղատնտեսության, անտառտնտեսության և ձկնաբուծության նախարարությունը։
«Կագավա պրեֆեկտուրայի Միտոյո քաղաքում հաստատվել է թռչնի գրիպի բարձր ախտածին վիրուս: Այս սեզոնի ընթացքում սա 8-րդ դեպքն է։ Երեկ թռչունների անկման աճ է գրանցվել։ Ըստ այդմ՝ տեղում կատարվել է թռչնագրիպի ախտորոշման թեստ, որի պատասխանը դրական է եղել։ Այսօր՝ փետրվարի 6-ին, կատարվել է գենետիկական անալիզ, որը հաստատել է թռչնագրիպի բարձր ախտածին վիրուսի առկայության մասին կասկածները»,- ասված է նախարարության հաղորդագրությունում։
Նախորդ սեզոնին գրանցվել էր թռչնագրիպի 84 դեպք, որի հետևանքով 17,71 մլն թռչուն էր ոչնչացվել: Դա հանգեցրեց երկրում ձվի դեֆիցիտի և կտրուկ թանկացման։