Ուրբաթ օրը 3,1-ից 5,4 մագնիտուդով մի շարք երկրաշարժեր են տեղի ունեցել Թայվանի արևելյան ափերի մոտ գտնվող Հուալիեն շրջանի տարածքում, հայտնում է կղզու Կենտրոնական օդերևութաբանական վարչությունը։

Ամենահզոր ցնցումները՝ 5,4 և 5,1 մագնիտուդով, տեղի են ունեցել համապատասխանաբար տեղական ժամանակով 12.50-ին և 14.12-ին։ Առաջին դեպքում էպիկենտրոնը գտնվել է Հուալիեն շրջանից 16,7 կիլոմետր հյուսիս-արևելք, երկրորդում՝ շրջանից 21,4 կիլոմետր հարավ։