Չէի առանձնացնի միայն մեկ դժվարություն, որն առաջացել է պատժամիջոցների արդյունքում (ՏՏ ոլորտի համար)։ Այս մասին ապրիլի 15-ին լրագրողների հետ հանդիպման ժամանակ հայտարարեց Հայաստանի բարձր տեխնոլոգիական արդյունաբերության նախարար Մխիթար Հայրապետյանը՝ պատասխանելով «Միր» քարտերի մասին հարցին, որոնց օգտագործումը Հայաստանում սահմանափակվել է։
Նա հավելեց, որ ՏՏ ոլորտում շատ խնդիրներ կան, և նախարարությանը հաջողվել է դրանք գույքագրել, որից հետո գերատեսչությունը միացել է դրանց լուծման աշխատանքներին։
«Տարբեր երկրներ ագրեսիվ քաղաքականություն են վարում ՏՏ մասնագետներին ներգրավելու համար։ Սրա հետ է կապված նոր օրենսդրական փոփոխությունների ընդունման անհրաժեշտությունը՝ Հայաստանում ճկուն քաղաքականություն վարելու և մասնագետներ պահելու համար։
Մենք խորհրդարանում կփորձենք հիմնավորել ոլորտին աջակցություն ցուցաբերելու անհրաժեշտությունը, ինչի արդյունքում կմեղմացվեն խոչընդոտները, որոնցից մեկի մասին ասվեց («Միր» քարտերի մասով – խմբ.)»,- ընդգծեց Հայրապետյանը։
