Համայն Վրաստանի պատրիարք Իլյա Երկրորդը դեկտեմբերի 3-ին իր նստավայրում ընդունել է Վրաստանում Հայաստանի դեսպան Հրաչ Սիլվանյանին եւ Վիրահայոց թեմի առաջնորդ Վազգեն եպիսկոպոս Միրզախանյանին:
Հայաստանի ԱԳՆ մամուլի ծառայությունից NEWS.am-ին հայտնում են, որ հանդիպման ժամանակ հանգամանորեն քննարկվել են Վրաստանում Հայ առաքելական եկեղեցու կարգավիճակի, հայկական մի շարք եկեղեցիների պատկանելության, տեղի հայկական հուշարձանների, այդ թվում՝ եկեղեցիների պահպանության եւ վերականգնման հարցերը:
Վրաց եկեղեցու առաջնորդը վստահեցրել է, որ նշված խնդիրները պատշաճ լուծում կստանան Վրաստանի հոգեւոր եւ աշխարհիկ իշխանությունների համատեղ ջանքերով եւ շեշտել է հայ-վրացական դարավոր հարաբերությունների զարգացման կարեւորությունը:
