Հայաստանում A/H1N1 վարակով կամ, ինչպես ասում են, «խոզի գրիպով» վարակվածների թիվը հասել է 30-ի։ Այս մասին NEWS.am-ի թղթակցի հետ զրույցում հայտնեց Հայաստանի գլխավոր համաճարակաբան Արա Ասոյանը: Վերջինս նաեւ նշեց, որ կասկածելի 5 հիվանդներից միայն 2-ի մոտ է հաստատվել «խոզագրիպի» առկայությունը:
Ի դեպ, Ասոյանը NEWS.am-ին նախօրեին հայտնել էր, թե հաստատված 28 հիվանդներ արդեն ավարտել են բուժման կուրսն ու դուրս են գրվել:
Նշենք, որ Հայաստանում երկու մահ է գրանցվել սեզոնային A գրիպից: Դեկտեմբերի 1-ին «Արմենիա» բժշկական կենտրոնում մահացել էր մի կին, իսկ դեկտեմբերի 3-ին «Էրեբունի» բժշկական կենտրոնում մի տղամարդ: Երկու հիվանդից նախապես վերցված նմուշների լաբորատոր հետազոտության արդյունքում սեզոնային գրիպ է հաստատվել:
