Հայաստանի պաշտպանության նախարարությունը կառավարության ապրիլի 11-ի նիստի հաստատմանն է ներկայացրել ՀՀ ռազմական արդյունաբերության զարգացման միջոցառումների ծրագիր: Այն մշակվել է ՀՀ նախագահի 2011 թ. դեկտեմբերի 29-ի կարգադրության համաձայն:
Ծրագրի նպատակն է բանակն ապահովել տեղական արտադրության սպառազինությամբ, ինչը պայմաններ կստեղծի նաեւ արդյունաբերության մյուս ճյուղերի զարգացման համար ու կբարձրացնի պետության վարկանիշը:
Կառավարության մեկ այլ որոշմամբ «Էլեկտրոն» գործարանի մարտական զենքի արտադրության լիցենզիան (տրված 2002 թ.) կերկարաձգվի եւս 5 տարով: