Պետերբուրգում գտնված Նարիշկինի գանձերի պատմությունը գնալով ավելի խճողված է դառնում: Պետերբուրգի պետական հուշարձանների պահպանության կոմիտեն Նարիշկինների գանձարանի գույքագրումը շատ սեղմ ժամկետներում է իրականացրել, եւ պատահական չէ, որ շտապում էին:
Նախքան շուրջ 40 պարկ ընտանեկան արծաթե սպասքը պահպանության տակ առնելը, թանկարժեք իրերը անհայտ է, թե որքան ժամանկ են մնացել անտեր: «Ինտարսիա» ընկերությունը, որն զբաղվում է վերականգնողական աշխատանքներով, պնդում է, որ հարստության մի մասը փորձել են հափշտակել արտագնա աշխատողները: Պետերբուրգի ոստիկանության «Հնությունների» բաժանմունքը, որն զբաղվում է այդ աննախադեպ հանցագործության հետաքննությամբ, առայժմ ոչ մի մեկնաբանություն չի տալիս:
Բայց օրերս հսկողության տակ էին առնվել Տաջիկստանի երկու քաղաքացիներ` 16 եւ 22 տարեկան:
Նրանք իբրեւ թե գանձերով լի երկու պարկ էին թաքցրել շինարարական աղբում:
Տաջիկներից «Ինտարսիան» միանգամից հրաժարվեց` հայտարարելով, որ այդ աշխատողներին վարձել էր ինչ-որ ենթակապալառու ընկերություն: Սակայն այդ ընկերության անունը դեռեւս ոչ ոքի պարզել չի հաջողվել: Այն բանին, որ ռուսերեն հազիվ խոսող երկու երիտասարդ տաջիկներ կարող էին բոլորից գաղտնի նման գործողություն իրականացնել, ոչ ոք չի հավատում:
Հետախույզները ենթադրում են, որ ձերբակալված տաջիկները համախոհներ են ունեցել:
Սակայն համախոհները հօդս են ցնդել: Առանձնատանը գանձարանի հայտնաբերելուց հետո դադարեցրել են վերականգնողական աշխատանքները, բոլոր տաջիկները եւ ուզբեկները դուրս են տարվել անհայտ ուղղությամբ: Չի բացառվում, որ նրանց բոլորին վերացրել են` որպես այն բանի անպետք վկաներ, թե իրականում ինչպես են տեղի զարգացել իրադարձությունները Նարիշկինների տանը:
Իսկ հարցերն այդ ընթացքում ավելանում են: Ո՞վ էր իրականում կանգնած գանձի առեւանգման հետեւում: Ի՞նչ են տարել: Քա՞նի մարդ է մասնակցել հանցագործությանը:
Հիշեցնենք, որ մարտի 29-ին հայտնի է դարձել, որ պետերբուրգյան առանձնատանը գանձ են գտել: Բայց թե ստույգ երբ են այն գտել, հայտնի չէ ոչ ոքի, բացի աշխատողներից, ովքեր բացել են հատակը:
Սկզբում լրատվամիջոցները հաղորդել են, որ արժեքավոր իրերը գտել է աշղեկը: Դրանից հետ մեկ այն վարկած է ի հայտ եկել:
Մարտի 27-ից առանձնատանը հերթապահություն են արել երեք պահակներ: Ստուգելով տարածք մտնող ավտոմեքենաները, նրանք շինարարական աղբի մեջ նախատեսված տոպրակներում գտել են թանկարժեք իրեր: Միայն դրանից հետո աշխատողները ցույց են տվել այն սենյակը, որտեղից հայտնաբերել են իրերը:
Նախօրեին հայտնի է դարձել, որ Նարիշնիկների գանձը փոխանցելու են Ստրելնի Կոնստանտինովյան պալատ, այդ մասին հաղորդում է «Ռոսբալթ»-ին ՌԴ նախագայի վարչակազմի աղբյուրը: Պալատի հավաքածուն կհամալրեն 2 հազար թանկարժեք իրեր, որոնք պատահաբար հայտնաբերվել են Տրուբեցկիների առանձնատանը:
