Աբխազիայում կայացել են Հայոց ցեղասպանության զոհերի հիշատակի օրվան նվիրված միջոցառումներ:
Ինչպես հաղորդում է «Ապսնիպրեսսը», հանրապետության 32 հայկական դպրոցներում ոգեկոչման միջոցառումներ են կայացել:
Սուխումի հայկական դպրոցի շքասրահում Ցեղասպանության նվիրված լուսանկարների ցուցահանդեսէ բացվել, կախվել են ցեղասպանությունը ճանաչած երկրների դրոշները: Աշակերտները, ուսուցիչներն ու հայ համայնքի ներկայացուցիչները մոմ են վառել` ի հիշատակ մեկուկես միլիոն անմեղ զոհերի:
Սուխումի ափին նրանք վառված մոմերով ծաղկեպսակ են իջեցրել ջուրը:
Հիշատակի արարողություններ են կայացել նաեւ Գագրայում, խաչքարի մոտ Տեր-Սեդրակը աղոթք է կարդացել: Միջոցառումներին մասնակցել են Աբխազիայի խորհրդարանի փոխնախագահ Վաղարշակ Քոսյանը, պատգամավորներ Լեւոն Գալուստյանն ու Ռոբերտ Յայլյանը:
