Սկանդալային շոումեն Սերգեյ Զվերեւն այսօր դիմել է մոսկովյան ոստիկանություն խաբեության վերաբերյալ հայցով: Ըստ Զվերեւի հայցի` ներկայումս ստուգում է անցկացվում:
Շոումենը Life News-ին պատմել է, որ խաբեբաները գործում են նույն սկզբունքով: Պայմանավորվում են շոուի մասին, վերցնում են պատվիրատուից կանխավճար, իսկ այնուհետեւ անհետանում են:
«Նրանք խաբեությամբ տեսագրել են իմ տեսաուղերձը, որպեսզի այն տեղադրեն իրենց կայքում: Նրանք դա արել են` ներկայանալով որպես իմ երկրպագուներ: Սակայն հորինված երկրպագուները բոլորովին այլ նպատակներ էին հետապնդում»,- հայտարարել է նա:
Սերգեյ Զվերեւը վստահել է անծանոթ մարդկանց այն բանից հետո, երբ լսել է ծանոթ անուններ: Ըստ արտիստի` խաբեբաները քողարկվել են Քսենիա Սոբչակի եւ Լերա Կուդրյավցեւայի անուններով, իբր թե նրանց հետ բազմիցս համագործակցել են: Արտիստը միայն այն ժամանակ էր կասկածել, երբ նրա բջջայինի վրա սկսել էին զանգել խաբված պատվիրատուները:
«Իհարկե ես պատրաստվում եմ փոխհատուցում ստանալ նյութական այն վնասի, որն ինձ հասցրել են խաբեբաները, սակայն այս իրադրությունից ես դաս քաղեցի եւ այսուհետ ուշադիր կլինեմ», - ասել է Զվերեւը:
