Եվրամիության նախարարների կոմիտեի որոշումը ԵՄ-ին Հայաստանի ասոցիացված անդամության բանակցություններ սկսելու մասին բխում է Հայաստանի շահերից եւ լիովին տեղավորվում է հանրապետության արտաքին քաղաքական գերակայությունների տրամաբանության մեջ: Այդ մասին NEWS.am-ի թղթակցի հետ զրույցում հայտնեց եվրաինտեգրացիայի հարցերով խորհրդարանական հանձնաժողովի նախագահ Նաիրա Զոհրաբյանը:
Նրա խոսքով, ԵՄ-ին ասոցիացված անդամությունը ոչ միայն Հայաստանին կմոտեցնի Եվրոպային, այլեւ կակտիվացնի համագործակցությունը ԵՄ երկրների հետ: Դա Հայաստանին ոչ միայն քաղաքական դիվիդենտներ կբերի՝վիզային ռեժիմի մեղմացման տեսքով, այլեւ՝ տնտեսական: Հայաստանի տնտեսությունը կկարողանա ինտեգրվել եվրոպական տնտեսական համակարգին, կբարձրանա հայկական ապարանքների մրցունակությունը, մի խոսքով՝ մենք կդառանքն եվրոպական տնտեսական շուկայի մի մասը",- նկատեց նա:
Հիշեցնենք, որ նախօրեին ԵՄ նախարարների կոմիտեն որոշում է ընդունել Հարավային Կովկասի երկրների հետ ասոցիացված անդամության բանակցություններ սկսել: Ինչպես ավելի վաղ հայտնել էր NEWS.am-ին բարձրաստիճան եվրոպացի դիվանագետը, բանակցությունները կսկսվեն արդեն 2010թ.-ին: Նա հայտնել էր, թե բանակցություններում հաշվի են առնվելու յուրաքանչյուր երկրի առանձնահատկությունները եւ հատուկ շեշտ է դրվելու ժողովրդավարացման հարցերի վրա, քանի որ բոլոր երեք հարավկովկասյան երկրներն էլ խնդիրներ ունեն այդ հարթությունում: Ի դեպ, ըստ դիվանագետի՝ ասոցիացված անդամությունը գործնականում չի տարբերվում սովորական անդամությունից:
