Թուրքիայում իրենց պահպանողական հավատացյալներ ներկայացնող մի խումբ քրդեր պատրաստվում են քաղաքական դաշտ մտնել՝ ստեղծելով «Քուրդիստանի իսլամական» կուսակցություն։
Թուրքական Milliyet-ի փոխանցմամբ՝ քրդական նոր կուսակցության ստեղծման նախաձեռնող Դիարբեքիրի փաստաբանների պալատի անդամ Սըդքը Զիլանը հայտարարել է, թե կուսակցությունը կստեղծվի մինչեւ 2012-ի հոկտեմբերը։
Զիլանը նշել է, թե իրենք մյուս քրդական կուսակցություններին ոչ թե հակառակորդ այլ՝ դաշնակից են ընդունելու՝ շեշտելով, որ իրենց նպատակն է ստանալ հավատացյալ քրդերի ձայները, ովքեր մինչ այս իրենց ձայները տվել են իշխող «Արդարություն եւ զարգացում» եւ «Բարգավաճում» կուսակցություններին։