Դեկտեմբերի 10-ի դրությամբ «խոզի գրիպով» վարակվածների թիվը Հայաստանում հասել է 54-ի, բայց խուճապի առիթ նախկինի պես դեռ չկա: Այդ մասին հայտարարել է Հայաստանի գլխավոր համաճարակաբան Արա Ասոյանը:
Բոլոր հիվանդները բուժօգնություն են ստանում «Նորք» ինֆեկցիոն հիվանդանոցում, հիվանդներից 26-ը երեխաներ են:
Անդրադառնալով «Տամիֆլյու» դեղամիջոցին, Ասոյանն ընդգծեց, որ այն նախատեսված է բացառապես ծանր դեպքերի համար եւ պետք է տրամադրվի բժշկի կողմից, միայն անհրաժեշտության դեպքում:
«Միայն 5 տոկոսն է բուժման կարիք զգում, լինում են նաեւ մահացու դեպքեր, ինչպես ողջ աշխարհում»,- ասաց Ասոյանը: