Դաղստանի մայրաքաղաք Մախաչկալայում պայթյունի վայրում հայտնաբերվել են տղամարդու եւ կնոջ մարմնի մասեր, որոնք, ինչպես կարծում են փորձագետները, մահապարտ ահաբեկիչների մարմնի մնացորդներ են:
Երկու մեքենաների պայթյունի վայրում բացի զոհվածների մարմիններից, հայտնաբերվել է տղամարդու ոտնաթաթ, ինչպես նաեւ կնոջ մարմնի հատվածներ, որոնք կարող էին պատկանել մահապարտ-ահաբեկիչներին, «Ինտերֆաքսին» հայտնել է ոստիկանության աղբյուրը:
Հիշեցնենք, որ ըստ ճշտված տվյալների, Մախաչկալայում կրկնակի ահաբեկչության հետեւանքով 13 մարդ է զոհվել:
Գործակալությունը նշում է, որ նրանցից 3-ը ԱԻՆ-ի աշխատակիցներ են եղել, 7-ը` ՆԳՆ-ի աշխատակիցներ եւ մեկ զինծառայող:
