Վերջին երկու օրերին Հայաստանում A/H1N1 վարակի լաբորատոր հաստատված նոր դեպքեր չեն արձանագրվել, հիվանդների թիվը անփոփոխ է՝ 54: Այդ մասին NEWS.am- թղթակցի հետ զրույցում հայտնեց Հայաստանի առողջապահության նախարարի օգնական Շուշան Հունանյանը՝ հավելելով, թե ավելի հստակ տվյալներ կլինեն միայն երկուշաբթի օրը: Վերջինս, ի դեպ, հերքեց նաեւ «խոզի գրիպից» մահվան դեպքերը, նշելով, որ գրանցված բոլոր երեք մահերն էլ եղել են սեզոնային գրիպի պատճառով:
Մինչդեռ, «խոզի գրիպից» մահվան առնվազն մեկի դեպքի մասին NEWS.am-ն արդեն նշել է։ Խոսքը Բելգիայից ժամանած 30-ամյա մի երիտասարդի մասին է, որը, պաշտոնական վարկածով, մահացել է թոքաբորբից: Նշենք նաեւ, որ Հայաստանի գլխավոր համաճարակաբան Արա Ասոյանը խոստովանել էր, թե չի կարող ասել՝ սեզոնայի՞ն, թե՞ «խոզի գրիպից» են եղել մահվան դեպքերը, քանի որ «դիակային նյութից փորձանմուշներ վերցնել հնարավոր չէ»: