Ստամբուլի Ֆաթիհի շրջանի ավտոբուսային կանգառներից մեկում ավտոբուս նստել ցանկացող 21-ամյա Յաղմուր Յըլմազը ենթարկվել է ավտոբուսում նստած գլխաշորով կանանց եւ մորուքավոր տղամարդկանց հանդիմանություններին։
Թուրքական Milliyet-ի փոխանցմամբ՝ աղջիկը սպորտային համազգեստ է հագած եղել, ինչը դուր չի եկել ավտոբուսի ուղեւորներին։ Գլխաշորով կանայք եւ մորուքավոր տղամարդիկ չեն թողել, որ աղջիկը նստի ավտոբուս՝ ասելով. «Եթե նստես, մեզ մեղքերի դրդած կլինես»։