Վահագն Չախալյանի գործում վրացական կողմը միանգամից 4 բացահայտ խախտումներ է թույլ տվել: Այդ մասին, այսօր` հունիսի 12-ին, լրագրողներին հայտնել է լեզվական փոքրամասնությունների իրավունքների միջազգային առաջատար մասնագետներից մեկը` Ֆիլիպ դե Վարենը, ով գտնվում է Երեւանում:
Նա հիշեցրել է, որ Չախալյանի դատավարության ժամանակ արգելել են մեղադրական վկաների հարցաքննությունը` ներառյալ Սամցխե Ջավախեթիայի ոստիկանության պետ Սամվել Պետրոսյանինը:
Դատարանը նաեւ Չախալյանին մերժել է դատարանում ներկայացնել «Իմեդի» վրացական հեռուստաալիքի տեսագրությունները: Դատարանը չի պատասխանել նաեւ 2008 թվականին Չախալյանի տանն արված խուզարկության տեսագրությունը ներկայացնելու խնդրանքին: Այն ժամանակ Չախալյանի տանը զենք էին հայտնաբերել, որից հետո նրա փոքր եղբայր Արմենը եւ հայր Ռուբենը ձերբակալվել էին: Դատարանը մերժել էր նաեւ մատնահետքերի փորձաքննություն անցկացնել:
Չախալյանին իրավունք չեն տվել նաեւ թարգմանիչ ունենալ, այն ժամանակ երբ նիստի լեզուն վրացերենն է, նա իր ընտանիքի հետ վատ է հասկացել վրացերեն: Դատական քննության փաստաթղթերի 171 էջերից հայերեն են թարգմանվել միայն երեքը, որոնք էլ շատ վատ են թարգմանված եղել եւ անհասկանալի:
Վերջապես, Չախալյանին թույլ չեն տվել պաշտպանության ծառայությունից օգտվել: Չախալյանի պաշտպանության համար հրավիրվել էր ֆրանսիացի իրավաբան Պատրիկ Արափյանը: Սակայն Չախալյանին թույլ չեն տվել:
Ըստ դե Վարեննի` այդ ամենը վկայում է, որ վրացական իշխանություններին ամեն ինչ քաղաքական դավադրություն է թվում:
Ներկայումս գործը գտնվում է մարդու իրավունքներով Եվրադատարանում, եւ դժվար թե վրացական իշխանությունները ցանկանան գործը հասցնել Ստրասբուրգ` բացասական երանգով հանրային հրապարակումից խուսափելով:
Հիշեցնենք, որ Չախալյանը դատապարտվել է 10 տարվա ազատազրկման:
