Մահացել է ֆրանսիացի հայտնի նկարիչ Ժորժ Մաթյեն: Նա մահացել է 92 տարեկան հասակում, Փարիզի արվարձաններից մեկի հիվանդանոցում: Մահվան պատճառները չեն հաղորդվում:
Ժորժ Մաթյեն հայտնի էր դարձել 20-րդ դարի կեսերին որպես տաշիզմի պիոներներից մեկը: 1950-60-ականներին նա երկրի սահմաններից դուրս ամենահայտնի ֆրանսիացի նկարիչներից էր:
Մաթյեն զբաղվում էր նաեւ գրաֆիկական դիզայնով եւ ճարտարապետությամբ, ստեղծել է նամականիշներ, դրամներ, ոսկերչական իրեր, նաեւ Air France ավիաընկերության գովազդային պաստառները: