Երեք մահմեդական կանանց Սաուդյան Արաբիայից, որոնք հրաժարվել էին բացել իրենց դեմքը, թույլ չեն տվել մուտք գործել Ֆրանսիայի տարածք:
Միջադեպը տեղի է ունեցել Շառլ դե Գոլի անվան օդանավակայան, ուր կանայք ժամանել էին Դոհայից` Qatar Airways-ի չվերթով:
Սահմանապահ ոստիկանության աշխատակիցը խնդրել է հանել փարանջան, սակայն նրանք հրաժարվել են: Արդյունքում նրանց մուտքը Ֆրանսիայի տարածք արգելվել է եւ նրանք ստիպված են եղել վերադառնալ Քաթար:
2011թ. ապրիլին Ֆրանսիան դարձել է առաջին եվրոպական երկիրը, որտեղ ուժի մեջ էր մտել հանրային վայրերում դեմքը ծածկող հագուստների արգելքը:
Օրենքի խախտման համար 150 եվրո տուգանք է հասնում, իսկ եթե հարազատն է ստիպում փարանջա կրել, ապա վերջինիս 30 հազար եվրո եւ մեկ տարվա ազատազրկում է սպառնում: