Այսօր` հունիսի 15-ին նշվում է Հայաստանի պետական դրոշի` Եռագույնի օրը: Այդ կապակցությամբ մի շարք տոնական միջոցառումներ են կայացել: Մասնավորապես, տոնական միջոցառումները մեկնարկել են Ֆրանսիայի հրապարակում, որտեղ փողային նվագախմբերի ազդանշանից հետո հարյուրավոր երեխաներ ծածանել են եռագույն դրոշը:
Մեկ այլ երթ էլ մեկնարկել է Մատենադարանի մոտից եւ ավարտվելու է Հանրապետության հրապարակում, որտեղ համերգային ծրագիր է կայանալու: Մշակույթի նախարարության հրավերով Իտալիայից դրոշ ծածանող հատուկ խումբ են հրավիրել:
Տոնական միջոցառման կապակցությամբ ճանապարհային ոստիկանությունը դադարեցրել է երթեւեկությունը քաղաքի կենտրոնական մի շարք փողոցներով: