Տիբեթում ինքնահրկիզման նոր գործողություն է կատարվել. երկու տղամարդ այրել են իրենց, որոնցից մեկն ստացած այրվածքներից մահացել է:
Միջադեպը տեղի է ունեցել հունիսի 20-ին: Տեղի իշխանությունների տվյալներով, մահացողը տիբեթցի հովիվ է: Հարեւան տարածաշրջանի բնակիչը, որի ազգության մասին ոչինչ չի հաղորդվում, տեղափոխվել է հիվանդանոց, նրա վիճակը ծայրահեղ ծանր է:
Այս տարվա սկզբից Տիբեթում ինքնահրկիզման 7 դեպք է գրանցվել, որի հետեւանքով մահացել է 5 մարդ, հաղորդում է «Սինհուան»:
Պեկինի պաշտոնական տվյալներով, 2011-ի մարտից մինչ օրս ինքնահրկիզումների հետեւանքով 20 մարդ է մահացել:
