Եգիպտոսում կայացած նախագահական ընտրություններից հետո այդ երկրի կառավարությունը հրաժարական է տվել:
Ինչպես հաղորդում է «Ինտերֆաքսը»` վկայակոչելով միջարաբական «Ալ Ջազիրա» հեռուստաալիքը, Եգիպտոսի վարչապետ Քամալ ալ-Գանզուրին, այսօր` հունիսի 25-ին, Բարձրագույն զինվորական խորհրդի ղեկավար, մարշալ Հուսեյն Տանտավիին է ներկայացրել կառավարության հրաժարականի դիմումը:
Տանտավին կառավարությանը հանձնարարել է կատարել իր պարտականությունները, մինչեւ երկրի նորընտիր նախագահ մուհամեդ Մուրսիի երդմնակալության արարողությունը: